Allt á fullu

Jæja... Þá er ég byrjuð í Bootcamp og finnst það bara ferlega skemmtilegt. Er búin að vera dugleg að fara eftir matarplaninu og engan skyndibita fengið mér og eiginlega ekkert gos. En ég leyfi mér kók þegar ég fer í bíó og á nammidögum....en bara eina dós! Fór í mælingu um daginn og takmarkið er að missa 4 fituprósent. Er í 28% en ætla niður í 24%. Og svo náttúrulega að styrkja vöðva og úthald. Er búin að vera rúma viku í þessu og er búin að missa rúm 3 kíló. En takmarkið er svosum ekki að létta mig heldur að styrkja....þannig að ég geri alveg ráð fyrir að þyngjast þegar vöðvarnir fara að tútna út :)
Af Húnboga er það að frétta að hann er farinn að spá mikið í heiminum í kringum sig. Og spurningarnar rigna yfir mann. "Hver slökti á sólinni?" "Afhverju er tunglið gult?" "Hvar eru öll laufblöðin?" og "Mamma, afhverju ertu með svona stórt nef?"
Minnir óneitanlega á Aravísur.
Það er sérstök athöfn sem fer í gang þegar hann er skilinn eftir í leikskólanum. Fyrst þarf að leiða hann inn, svo að knúsa fast, svo kemur koss á munninn og að lokum vinka með báðum höndum. Og ef þetta er ekki gert þá vill hann ekki að maður fari og hleypur á eftir manni og reynir að toga mann aftur inn, þar til þessari athöfn er lokið. Það tók mig um 2 daga að fatta hvað væri í gangi.
Hann er orðin mjög duglegur að púsla og fer létt með 15 bita víkingapúslið sitt.


Um daginn var alþjóðlegur bangsadagur og fékk Húnsi að taka með sér sína uppáhaldsbangsa í leikskólan. Tumi Tígur varð fyrir valin og svo að sjálfsögðu bangsi, sem er bara þekktur sem Bangsi. Lýstu fóstrurnar því þegar hann fékk Bangsa með í hvíldartíman að hann hefði allur ljómað af hamingju. Enda er þetta ásin hans eina.

Nokkrar myndir úr leikfimitíma hjá Húnboga.