Páskar

 Páskar að baki. Við Húnbogi skreyttum páskatréið saman og hann beið spenntur eftir að fá að narta í páskaeggið sitt. Valdi nr 3 í þetta sinn. Sagði að þegar hann væri búinn með sitt myndi hann hjálpa mér við mitt..... pfff.. eins og ég þurfi einhverja hjálp!.
Hann fór á fimmtudegi með Sigrúnu frænku og Þuru langömmu í bústað nr 1 og dvaldi þar 2 nætur. Var svo skutlað í Mosó á laugardegi þar sem við fengum páskalamb (úr bakaríi). Sunnudagsmorgunn brunuðum við svo aftur í bústað nr 1 og fengum loks að gæða okkur á súkkulaðieggjunum. (eins og svo oft áður gleymi ég að taka með myndavel :( . )

 Páskaskrautið okkar.

 Húnbogi fékk pakka frá Írenu og Alfreð með fullt af myndum sem þau höfðu teiknað.
Þetta er þakkarbréfið sem hann samdi alveg sjálfur.

 Ein mynd af ofurkrúttinu sem er nú komin með 4 tennur.

Á föstudaginn langa fórum við Hulda upp í Mosó til að nota saumavélina. Hulda fékk þar sína fyrstu víkingaflík. Ég hef ákveðið að nota saumavél á krakkafötin því nú eru 2 krakkar sem vaxa hratt og ég bara nenni ekki að handsauma allt!
Kaftan á Huldu Rún. Ull að utan en fóðruð með hör að innan. Er að vinna í kjólnum hennar.
(Er svona eiginlega að vona að hún verði farin að labba á víkingahátíðinni þó hún verði bara 11 mánaða.)

Á svo eftir að gera ullarkyrtil, ullarhettu og skó á Húnboga.