Hulda Rún 18 mánaða skoðun

Hulda fór í sitt eftirlit í dag hjá hjúkrunarfræðingi og barnalækni.
Hún er nú orðin 84,4 cm og 11,54 kg og heldur alveg sínum kúrfum. Hún er voðalega fín og flott en eitthvað hafði hjúkkan áhyggjur af málþroskanum. Ég sagði henni að ég hefði sko engar áhyggjur, orðin eru byrjuð að hrúgast inn og hún skilur heilan helling. Hún er bara búin að vera að einbeita sér að því að klifra í gluggakistum og hoppa niður af stólum, ekkert var henni hrósað fyrir það! Hún sýndi líka lækninum alveg hvað hún er sterk þegar hann var að reyna að skoða hana, liðleikan í mjöðmunum og þess háttar.
Hún var heldur ekkert á því að leifa þessum kalli að þukla eitthvað á sér, vildi ekki sjá hlustunarpípuna og alls ekki liggja kjurr. Hún vildi bara fá að hlaupa um læknastofuna og skoða ALLT. 
Hún fékk svo bólusettningarsprautuna og var allt annað en sátt. Hún var þó fljót að jafna sig og vinkaði lækninum á leið út.
Næsta skoðun er svo ekki fyrr en eftir ár og þá er læknisskoðun og þroskamat. (nema ef málþroskin verður eitthvað hægur, þá fæ ég tíma eftir hálft ár)