sundnámskeið

Húnbogi býður spenntur eftir komu Írenu til landsins, ekki á morgunn heldur hinn!!!. Fór á sundnámskeið sem byrjaði í dag og verður á hverjum degi í 2 vikur (frí um helgi) og Írena er líka skráð á það námskeið, þó hún missi af fyrstu tímunum. En Húnbogi var ekkert á leiðinni að hleypa neinum öðrum að þegar hann talaði við sundkennarann og um Írenu sem ætti heima í Belgíu..... jú og talaði líka um litlu systur sína.
Sundnámskeiðið er þannig að foreldrar koma ekki með ofaní laug eða inn í klefa. Og ætlast er til að foreldrar fylgist ekki einu sinni með nema kannski fyrstu 5 mínúturnar. En það eru innan við 10 krakkar á námskeiðinu og 2 kennarar á bakkanum. Svo eru allavega 5 unglingar sem æfa sund og leiðbeina og hjálpa krökkunum bæði inn í klefa of ofaní laug. Er að vonast til að Húnbogi losni við þessa vatnshræðslu sína (kannski ekki beint vatnhræðsla, en honum er MJÖG illa við að blotna á höfðinu.....)

 Í dag voru miklu fleyri krakkar því eitthvað rugl varð, og leikjanámskeið blandaðist við hópinn..... en bara í dag.

 Húnbogi fékk extra mikla athygli frá hjálpurunm því hann var svo óöruggur í vatninu.

Kennarinn segir Húnboga til.... veit nú ekkert hvað hún var að segja því myndirnar eru allar teknar í gegnum glugga....


Eftir námskeiðið kíktum við svo til Þuru langömmu sem var nú aldeilis í essinu sínum með öll barnabarnabörnin sín.

Eftir miklar myndatökur byrjaði Þorgrímur að ókyrrast og til að róa hann rétti ég honum kexköku eins og Hulda var að japla á. Hulda varð afskaplega móðguð/afbrýðissöm yfir að ég væri að rétta einhverjum ókunnugum gaur að hún fór að hágráta (þó svo að hún væri enn með hálfa kexköku) og þar með lauk myndatökunum......

 Hulda Rún, Húnbogi Bjartur og Þorgrímur Lee

Gott að eiga einn stóran til að sýna hvernig heimurinn virkar......

 Annars er það að frétta af Huldu að nú labbar hún meira en hún skríður, skríður helst ef hún er að flýta sér.