Það stóð hvergi að tonnatak væri ekki ætlað 29 ára og yngri

Það voru svo sannarlega gerð innkaup í dag. Keyptum öryggishlið til að setja fyrir eldhúsið...sparar okkur heilmikið vesen með alla þessa skápa og skúfur og eldavél og gólf sem leiðinlegt og erfitt er að þrífa. Fórum líka í Blómaval og keyptum greni og skraut til að búa til aðventukransinn. Kíktum aðeins í bónus, Ikea og Byko (bónus er skrifað með litlum staf því það hefur ekki unnið sér inn að vera með stóran!!!)
Þegar heim var komið fór ég að föndra jólagjafir. Það vildi nú ekki betur en svo að pásu varð að gera á föndrinu því fljóttþornandi og ofursterka tonnatakið lak yfir hendina á mér og límdi saman vísifingur og baugfingur. Eftir hálftíma vesen við að reyna losa með hníf, nál og svipuðum verkfærum var hringt í vitrari og reyndari menn í þessum málum, sem hafa þó aldrei lent í svipuðum aðsæðum að ég held. Asiton var svarið. En hún Hlín litla leggur það ekki í vana sinn að lakka á sér neglurnar og finnst því ekki nauðsinlegt að eiga, að svo er virðist, hlut sem ætti greinilega að vera til á öllum heimilum þar sem börn 29 ára og yngri búa. Var þá brugðið á það ráð að banka á næstu íbúð, útskýra tonnataksslysið og fá lánað eitt stykki asiton!
Eftir hálftíma í viðbót með asitonsullið tókst að rífa fingurnar í sundur án þess að mikill skaði yrði á húð og sál. Vil taka það fram að það var öll hliðin á puttunum sem var límd saman ekki fingurbroddarnir.
Ekki lærði maður þó af reynlunni. Klukkutíma síðar tókst Hlínsunni litlu að líma tvo fingurbrodda og járnstykki saman en til að halda þeirri litlu reisn sem var eftir var ekki bankað á næstu íbúð(asitoninu hafði verið skilað) og bara rifið. Fór góð húðflís með í þetta sinn og mun einn heppinn jólagjafarþegi fá hana með í pakkanum sínum. Eftir þetta fór Helgi og náði í latexhanska sem voru í kassa með um það bil 100 öðrum latexhönskum inn í vaskahúsi og lét mig hafa!!!!!
Þetta verða ekki jólagjafir sem fást fyrir péninga, því í þær hafa verið lagðar blóð, sviti, tár og húðflögur.....

Jólasmákökurnar

Það er nefnilega það. Það eru bara að koma jól eftir 1 mánuð. Fórum á sunnudaginn að baka piparkökur og fleyra hjá tengdó. Reyndar sá hún eiginlega um allan baksturinn og við fengum að gera allt það skemmtilega....drullumalla með degið :) Fengum svo heim með okkur FULLT af gúmmilaði sem mér var samt bannað að snerta fyrr en á aðventu. Sem betur fer ekkert svo langt í hana. Spurning samt hvað gerist þegar maður er einn heima og enginn að horfa.....hihihii.

Ég og Húnbogi fórum í dag upp í Mosó um hádegi og vorum fram yfir kvöldmat. Þar sýndi hann allar sýnar kúnstir og meira til. Klifraði ofaní kassa, jarmaði og fleyra. Svo fekk hann sama kvöldmat og við hin og fannst bara gott. Það var grýta og meðlæti.

Um helgina var ég að útbúa jólagjöfina hans Húnboga. En það er rugguhestur sem ég smíðaði í barnaskóla (ég giska á 10 ára bekk). Ég sat og lá á gólfin og málaði hann allan upp á nýtt og ætla gera voða flottan en ó ó og æ æ.! Mjöðmin mín! Magnaðist upp þessi voðalegi verkur sem ég fekk þegar ég var ólétt og leiddi alveg niður í fót og gekk ég um eins og gömul kona með gigt á rigningardegi. Greinilega ekki búin að jafna mig þó að 10 mánuðir séu liðnir, eða kannski er ég bara orðin gömul.....ó ó og æ æ æ æ!!

Nei Djók!!!

Húnbogi Bjartur 10 mánaða.

Ég var bara að plata sko. Það er fullt búið að gerast ég bara mundi það ekki þegar ég var að skrifa síðast. Og ég hef góða afsökun. Sagt er að minnið verði verra þegar maður er óléttur. Það var samt ekkert sagt um það hvenar það kæmi til baka!!
En semsagt, á sunnudaginn fórum ég og tengdó á rúntin í Keflavík að kaupa jólakerti, rosalega flott kerti þar...væri til í að fara á hverju ári. Fórum svo á Selfoss og skoðuðum og keyptum pólskar jólakúlur. Væri líka til í að fara á hverju ári þangað. Rosalega fallegar og hægt að safna.

Já það er stuð, já það er stuð, já það er stuð að vera 10 mánaða.

Húnbogi getur núna sest upp sjálfur án þess að hafa hjálp frá púðum, leikföngum eða húsgögnum, hann kann líka að príla, og svo detta en sagt er að æfinginn skapi meistarann þannig að hann á eftir að verða dettimeistari áður en langt um líður. Fór með hann í skoðun þann 18 og er hann orðinn 75,2 cm og 8,53 kg. Höfuðmálið er 47,2 cm.
Heldur sér alveg á kúrfunni í þyngd en er aðeins að klifra í hæðinni.....Alveg eins og ég :))))
Og já, hann er hættur á brjósti. Var komið út í einhvern leikaraskap hjá honum, vildi miklu frekar leika en að drekka þannig að ég hætti bara, og hann virðist ekkert sakna þess.


Kórdrengur??

Sullumbull

Ég er heima núna að sulla með trölladeig og gifs. Er að búa til nokkrar jólagjafir fyrir Húnboga að gefa.

Annars ekkert nýtt að frétta. Bara sauma, sulla, sund, berjast og beðið eftir jólunum.

Læt hér fylgja með mynd frá því í sumar af Húnboga í góðu skapi.....

JIBBÍ JEÍ

ÉG á ammæli eftir 10 klt. Planið er að baka vöflur og súkkulaðiköku og bjóða gestum og gangandi að gefa mér pakka í skiptum fyrir gúmmilaði.

En fyrir utan þessa merkilegu stund sem nálgast nú óðfluga þá er maður búin að plana margt og gera minna. Fórum í fjölskylduljósmyndun með tengdafólki mínu í okkar fínasta pússi í dag. Ekki fannst mér það nú neitt ofsalega gaman. Búin að vera að sauma á fullu og pínu að reyna að taka til þegar ég nenni og bráðum koma jólinn......

En fyrst.....

AFMÆLIÐ MITT.......og elínar......og MITT!

Ég og Helgi erum búin að ákveða að mósaíkflísa veggin milli stofu og svefnherbergisgang með birkafléttu (sjá mynd hér að ofan sem ég hannaði og teiknaði í tölvunni)) sem er að sjálfsögðu frá víkingatímanum. Samt ekki vegginn sjálfan. Tréplötu sem við festum bara á vegginn og þá getur þetta fylgt okkur í næstu húsnæði ef skipt verður. Þetta eru samt ekki endanlegir litir...ennþá aðeins verið að spá og spekúlera í þeim. Þetta verður svaka stuð og ennþá flottara.....

Til hamingju með afmælið ég....
kveðja
allrasætasta afmælisbarn í heimi sem þarf ekki að fara snemma að sofa því það er pabbatími á morgunn!

Ljósmyndun

Sigga leigði stúdíó (ljós, bakgrunn og fleyra) til að taka jólamyndir af þeim litlu. Íbúðinni minni var breytt í ljósmyndastofu yfir helgina þar sem Guðný og Vigdís komu með sín kríli og reyndu að hafa sæt, fín og stillt. Sigga tók líka nokkrar myndir sem hún ætlar kannski að nota til að sækja um í listaháskólanum.
Fór í afmæli til Guddu þar sem ákveðinn upptakari vakti mikla lukku hjá mér og hélt mér í stuði langt fram á kvöld. Fór svo í víkingapartý þar sem nýr félagi var tekinn inn í Rimmugýg og hélt stuðið áfram langt fram á nótt. Húnbogi var í pössun yfir nótt á Álftanesi meðan á öllu þessu stóð.
Stuðið var ekki jafnmikið þegar ég vaknaði næsta dag en þá tóku hausverkur og ógleði öll völd. Lét mig samt hafa það að mæta í hádegismat á Álftanes, gera Húnboga fínan fyrir jólamyndatökuna og fór svo í 30tugs afmæli til Lindu.

Aftur í sund

Okkur var boðið að koma aftur í ungbarnasund og skipta greiðslunni niður. Ég þáði það með þökkum enda frekar svekt yfir að hafa ekki haft efni á því, því Húnboga finnst þetta svo gaman og hefur líka gott af þessu. Það var mikið hlegið og sundkennarinn knúsaður og slefaður. Erum í nýjum hóp með nýju fólki og ekki finnst Húnboga leiðinlegt að fá alla þá athygli sem hann fær þegar hann brosir og hlær framan í heiminn. Þá magnast gleðin margfallt og hann skríkir og skvettir í allar áttir. Gamli hópurinn var orðinn allt of vanur þessu.

Fór svo á æfingu í gær, þar sem Elísabet nokkur María kom og hélt Húnboga félagskap á meðan. Ég var mjög klár og tókst að fá höfuðhögg frá sjálfri mér með spjótinu mínu. Geri aðrir betur.

Húnbogi getur staðið upp við hluti núna. Langar til að benda á nýtt myndskeið hér á hægrikantinum.

Er búin að vera mikið upptékinn síðustu daga, fékk nefnilega afmælisgjöfina mína (frá mér til mín) síðasta þriðjudag og saumi saumi saum.... talandi um saum. Best að fara hætta þessu og fara að sauma...........

Bókaormur

Það er alltaf gaman að glugga í góðar bækur, hvort sem maður er ungur, gamall eða eldri. Og misjafnar aðferðirnar sem notaðar eru.
Svona gerir Húnbogi:

Fyrst er að velja bók.....


Hér er ein góð.....

Flétta á blaðsíðu 1......


Hér er hún.......

Bíddu nú við, og hvað svo......

Já, ná í blaðsíðu 1.....

Skoða hana á alla kanta.....


Og þegar það er búið þá er bara að byrja á blaðsíðu 2!

Listaverk

Hér má líta listaverk ársins, og ef ekki aldarinnar http://www.vimeo.com/2136480
Þar sem sungið var fyrir lítil kríli. Og lítið kríli söng með. Já eins og heyra má tók Hrafnkell virkan þátt í þessu öllu saman. Og hér eru líka myndir http://flickr.com/photos/ameriskur/sets/72157608434726339/ . Ég yrði ekki hissa þó hringt væri og manni boðið óskarinn fyrir þessa frábæru frammistöðu. En dæmi hver fyrir sig!

Og hin líka....

svo kom hin tönnin einum degi seinna. Ekki furða þótt nokkur pirringur er búin að vera viðvarandi síðustu vikur, enda var hann mjög bólginn líka. Nú verður sko hægt að naga og bíta, fer létt með eitt mjólkurkex, næst eru það borð og stólar.......
Bíð enn spennt eftir gjöfinni minni frá mér til mín, kemur líklega á morgunn:)

Fór í gær og keypti næstum allar jólagjafir, klára svo næstu mánaðarmót. betra að skipta þessu aðeins niður. Svo um kvöldið bauð Gudda mér með í púl og keilu í skiptum fyrir að ég væri bílstjórinn. Góð skipti það! Keypti líka afmælisgjöfina mína og mig hlakkar mikið til að hún komi.

Fór á æfingu síðasta fimmtudag og varð nokkuð lemstruð, þurfti að fá pössun til að hjálpa mér með Húnboga. Viðkvæmur þessi líkami eitthvað.........