1 árs afmæli og Gásar.

 Loksins rann upp sá stóri dagur og Hulda Rún fagnaði sínu fyrsta afmæli. Hún bauð í kökur og kaffi og skemmti sér vel með gestum sínum......

 Hulda Rún 1 árs.

 Hulda Rún.... enn bara 1 árs.....

 1 árs stelpur geta líka verið prakkarar.

 Húnbogi fagnaði með Huldu en hann átti einmitt 5 og hálfs árs afmæli daginn áður.

 Sistkynin svo sæt og fín.....

 Afmælisborðið.... og ekki klikkar hún Elísabet í afmæliskökunum....

 Hulda fékk að maula á pönnuköku meðan sundið var fyrir hana.

 Fullt af allskonar gestum....


Eftir afmælið var sjálfu afmælisbarninu bara komið fyrir í pössun svo við eldri gætum farið á miðaldardaga á Gásum rétt fyrir utan Akureyri.... Við fengum æðislegt veður allan tíman og margt var gert sér til gamans.

Húnbogi æfði sig á húnbogan sinn sem hann fékk loks í skírnargjöf frá okkur.

 Nokkuð flott hjá honum.... en þarf að æfa sig soldið meira.

 Ekki mikið mál að fara í feluleik....

 Bryggjan

 2 félagar. Hrafnkell Þór og Húnbogi Bjartur.

 Hrafnkell lætur ekki frá sér vopnið!

 Vaðið í sjónum...

 Og bátsferð á alvöru víkingabát.

 Flottur víkingur.

 Dundað í sandinum....

 Á banabeði....

 Húnbogi tók þátt í smá sýningu og grýtti þjóf með eggi, Og hitti beint í hausinn á honum.

 Leikið á ströndinni.

Komum heim á sunnudagskvöldi klukkan 11 og beint upp í rúm.
Húnbogi fékk svo loks um morguninn að kubba legoið sem Hulda Rún gaf honum fyrir að vera góður stóribróðir í heilt ár. Já... og eins og þið sjáið var Húnbogi losaður við lubban sinn.....

Göngugreining

Ég og Húnbogi fórum í göngugreiningu í dag. Ég, vegna þess að ég finn til í hnéinu og Húnbogi vegna þess að hann hefur kvartað undan verkjum í sköflungunum á kvöldin.
Í ljós kom semsagt að við erum bæði meingölluð.... eða svoleiðis.....

Húnbogi er eins og við vissum með lin liðbönd og er enn með smá flatfót. En út af þessum liðböndum þá hallast fóturinn óeðlilega mikið til hliðar innávið. Og þegar að er gáð gat ég sjálf séð hvað hásinarnar á honum beygjast. Hann fær því sérsmíðuð innlegg og þarf þar að auki að vera í vönduðum og stífum skóm, með sólum sem ekki er auðvelt að snúa upp á.

Ég er með mislangar lappir sem munar 0,5 cm og fóturinn rúllar inn á við, og er innskeifari en hinn, þegar ég geng sem getur verið orsökin á þessu hnévandamáli. En þar sem ég finn hvorki til í mjöðmum né baki, þarf ég ekki að spá mikið í þessarri mislengd, en þarf að vera í hlaupaskóm með innanfótarstyrkingu. Ef ég vil get ég líka fengið innlegg, sem væri kannski ekki svo vitlaust, því þá gæti ég notað þau í fleiri skóm. Eitthvað var líka talað um að það dreyfðist of mikið álag á ilbogana en þar sem ég er ekki með verki í fótunum þá skiptir það kannski ekki svo miklu. (man ekki alveg hvað allt þetta heitir eða hvað var sagt en þetta er svona eins og ég man það).... hlakka til að kaupa mér nýja hlaupaskó, sem hvort sem er var komin tími á, og sjá hvort hnéið hagi sér vel.

Nauthólsvík

 Hulda Rún réðst á stéttina í Mosó.....  Hulda krambúleruð en þið ættuð bara að sjá stéttina!!!

 Maður verður náttúrulega að eiga mynd af fyrsta krambúlerinu.....

Veðurspáin spáði glampandi sól fyrir hádegi í dag en eftir hádegi átti að vera skýjað.... Þess vegna stillti ég vekjaraklukkuna á 8. Leit út um gluggan þegar hún hringdi og þoka birgði sýn í næstu hús.... Fúllt, hugsaði ég, enn einu sinni eyðileggur hafþokan sólardaginn. Fór bara aftur upp í rúm.... en 1 og hálfum tíma seinna skein sólin skært inn um gluggan og við brunuðum í Nauthólsvík. Ekki leit það vel út á leiðinni en frá Hafnarfirði og að víkinni keyrðum við í gegnum 3 þokubakka. Og yfir víkinni sjálfri var líka þokubakki. En það var hlýtt og lítill vindur og ég var viss um að sólin myndi sigra að lokum, enda sungum við hástöfum " sól, sól, skýn á mig" á leiðinni í bílnum. Og 10 mín eftir komu okkar í víkina skein sólin skært í gegnum þokuna.

 Fyrst fórum við í heitapottinn þar sem Húnbogi var ekkert allt of ánægður með skvetturnar frá Huldu....

 Færðum okkur svo um set og komum okkur vel fyrir á sandinum, sólarvörnin var óspart notuð.....

Hulda var mjög sátt í sandinum með nýja sólhattin sinn og maulaði á kexi, banana og sandi eftir langan göngutúr í fjörunni.....

Húnbogi fann sér holu og leitaði að skeljum.

Þarna er klukkan að verða 11 og þokan að mestu gufuð upp. Og þessi tvö skemmtu sér mjög vel á ströndinni, Húnboga langar allavega að fara aftur. Sólin lét sig svo hverfa fljótlega upp úr klukkan eitt.